دوشنبه , ۳۱ اردیبهشت ۱۳۹۷
خانه / به شی ئه ده بی کوردی / له‌ سه‌ر پرده‌که‌ / ئه‌نوه‌ر عه‌ره‌ب

له‌ سه‌ر پرده‌که‌ / ئه‌نوه‌ر عه‌ره‌ب

 

aaa

 

له‌ سه‌ر پرده‌که‌
ڕێک له‌ سه‌ر پرده‌که‌
له‌و شوێنه‌ی وا هه‌‌میشه‌ چاوه‌ڕێم دەکردی
پیاوێک ده‌یهه‌وێ خۆی تووڕ داته‌ خوارێ

هیچ که‌س نازانێ،
پیاوێک له‌ سه‌ر پرده‌که‌
ڕێک له‌ سه‌ر پرده‌که‌
به‌ پاڵتاوێکی درێژ و کڵاوێکی په‌شمینه‌وه‌
بۆ چی خۆی تووڕ ده‌داته‌ خوارێ؟

له‌ خوار پرده‌که‌
ڕێک له‌ خوار پرده‌که‌
له‌و شوێنه‌ی وا هه‌میشه‌ چاوه‌ڕێت دەکردم
چه‌ند که‌سیتر چاوه‌ڕێن،
چه‌ند پیاو و
چەند ژن،
تۆش وا له‌ دووره‌ به‌ هه‌ڵاتن دێی
تا ببینی
پیاوێک له‌ سه‌ر پرده‌که‌
ڕێک له‌ سه‌ر پرده‌که‌
چۆن خۆی تووڕ دەداته‌ خوارێ

بە پەلەی،
چاوێکت لای کاتژمێرە و
چاوێکت لای
پیاوێکە تا خۆی تووڕ داتە خوارێ.

له‌ سه‌ر پرده‌که‌
ڕێک له‌ سه‌ر پرده‌که‌
پیاوێک به‌ پاڵتاوێکی درێژ و کڵاوێکی په‌شمینەوە
داگەڕا خوارێ و
بە سانایی بە لامدا تێپەڕ بوو

“ناشێ لە بیر کەم ئەم رووداوە”

له‌ سه‌ر پرده‌که
ڕێک له‌ سه‌ر پرده‌که‌
به‌ هه‌ر دووچاوی خۆم بینیم
پیاوێک به‌ پاڵتاوێکی درێژ و کڵاوێکی په‌شمینەوە
داگەڕا خوارێ و
بە سانایی بە لامدا تێپەڕ بوو.

له‌ سه‌ر پرده‌که
ڕێک لە سەر پردەکە.

 

ئه‌نوه‌ر عه‌ره‌ب

پاسخ دهید

نشانی ایمیل شما منتشر نخواهد شد.

3 × 5 =

قالب وردپرس پوسته وردپرس