یکشنبه , ۲۸ مرداد ۱۳۹۷
خانه / به شی ئه ده بی کوردی / لێپرسینه‌وه له شتێکی چاک/ بێرتولد برێشت

لێپرسینه‌وه له شتێکی چاک/ بێرتولد برێشت

200px-Bertolt-Brecht

وه‌ره پێشه‌وه:
باسی پیاوچاکیتمان بیستووە
گوایە نرخت به‌رزه و له کڕین ناییت،
به‌ڵام هه‌وره‌برووسکه‌ش
که ماڵان کاول ده‌کات،
له کڕین نایه‌ت.
تۆ لەسه‌ر قسه‌ی خۆت ڕاده‌وه‌ستی.
به‌ڵام چیت هێناوه‌ته زار؟
تۆ مرۆڤێکی راستبێژی، بیروبڕوای خۆت ده‌بێژی.
کامه بیروبڕوا؟
ئه‌تۆ ئازای.
بۆ کێ ئازای؟
ئه‌تۆ زانای
بۆ کێ زانای؟
تۆ له پێناو به‌رژه‌وه‌ندییه‌کانی خۆت هه‌ڵناسووڕێی
ئه‌ی به‌رژه‌وه‌ندییه‌کانی کێ ره‌چاو ده‌که‌ی؟
تۆ‌هاوڕێیه‌کی چاکی
داخۆ بۆ خه‌ڵکانی چاکیش،
هه‌روا دۆستێکی چاک ده‌بی؟
که‌وایه، گوێ ڕادێره:
ئێمه ده‌زانین
ئه‌تۆ پاک دوژمنی ئێمه‌ی.
هه‌ر بۆێه ئێستاکه
له ته‌نیشت دیوارێکه‌وه راتده‌گرین.
به‌ڵام ڕەچاوی لێهاتوویی و تایبه‌تمه‌ندییه شازه‌کانت ده‌که‌ین
ئێمه ئه‌تۆ له ته‌نیشت دیوارێکی چاکه‌وه داده‌نین و
به گوله‌یه‌کی چاک له تفه‌نگێکی چاکه‌وه
ته‌قه‌ت لێده‌که‌ین و
به پێمه‌ڕه‌یه‌کی چاک
له زه‌وینێکی چاک
لە گۆڕت دەنێژین.

وەرگێڕان له ئینگلیزییه‌وه: مەسعوود بینەندە

دیدگاهتان را بنویسید

نشانی ایمیل شما منتشر نخواهد شد.

14 + نوزده =

قالب وردپرس پوسته وردپرس ..