یکشنبه , ۲۸ مرداد ۱۳۹۷
خانه / به شی ئه ده بی کوردی / ناوبه‌ناو ده‌گه‌ڕێم له وێرانی؛ وه‌ک په‌پووله بۆ کڵاو…/ عه‌بدولقادر نیازی

ناوبه‌ناو ده‌گه‌ڕێم له وێرانی؛ وه‌ک په‌پووله بۆ کڵاو…/ عه‌بدولقادر نیازی

8mo

“ناوبه ناو ده گه‌ڕێم له وێرانی؛ وه‌ک په‌پووله بۆ کڵاو، وه‌ک شه‌هید بۆ ڕاوی”

 

له‌وێ په پووله وێرانه

حەجمێكی بێ‌مەودا ئەگەر لە دونیا تلاوم

پەپوولەكان لە هەندەسەی مناڵیش‌دا غەنیمەت بن!

یەكجار،

عاشقی تۆ دەبم

وەك ئەوە وا ئەگەر بڵێم ئەگەر كەنگێ سێبه‌رتم تۆ؟

چۆن بڵێم؟

ئەو پەڕەكەی سێبەر وێرانییە كە داخراو یا پەپوولە بە تەشەریش لێت بڕوانن چاو لە مافی پایز ناكەم

لەو دێڕەدا ئەگەر ئەسبێكیش ڕام بكەی

تۆ شارەكانی خۆت هەیە ناترسم وڵات لە خۆم‌دا بكەم/ پاییز ڕاخە/

سێبەر ئەگەر بارتەقای یەك ئاسمان لە باوشیان بگرن

كڵاوێكم

نەچمە سەری نیشتمانیش ئێوارە لە پشت خەوی پەنجەرەدا لە باوەشێكی دار دەڕوانم

*******

كڵاوێك ئەگەر پێویستە لەسەر دێڕیشی دانێی

ڕاوی لە ڕوخسەتی پەردەدا خەونی مانگ قووڵ‌تر ده‌بینێ

ئەگەر وابوو

كەسێك ڕاوی درێژە بدا شەرمی‌پاڕادۆكسی زەمان بە قازانجی كێ زەوت كه‌م؟

********

ماوەیەكه

هۆگر بە هەناردەی کڵاوم

وەك ئەوەیە پیاوێك بم له دەورووبەرم و شۆخی بە كەس نه‌كا خولەك؛

[مناڵیت ئەگەر بە هەندەسەی خڕۆكەدا دێت و دەچم] شەوێك سواری هەنگاو دەبم

*********

سەرەتا خەونم نەدەدیت             تاوتوێم كە

بۆ ئه‌و خەونەی لە ژێر لێچكەكەت‌دا جێ ما؛ من  درێژەی خەونەكانم لە تاریكی‌دا جێ دێڵم

********

سەرم تەنگە بۆ دڵی تۆ

ئاسمان خۆی لە سەرم بسوێ دەست‌درێژی بۆ نزیك‌ترین نیشتمان واتای دەبێ      من دەبمە جاددە و ڕۆمانتیك

تۆ لە هەنگاوم‌دا ماندوو

كەسێك پێ‌خواس بەو دێڕەدا پیاسە دەكا           هەندەسەیەك لە دراوسێ

********

وڵاتێك لەو دێڕەدا بونیات نراوە مافی خۆم ئەگەر زەوت كەم

لە دزێك‌دا دەبم بە دێڕ، سنوور شەرمێتی بوەستێ —وابزانم وڵاته‌کان داخراون—-

********

ئەوشۆ بابزانی هەندەسە میوانی عەسرانەی دایكمە

دڵم بادە و دەمهەوێ لە خۆم‌دا بمرم/ لە هەرچی دڵتەنگم قەبرم/

********

هەر هەمووتان دەست پێ‌دەكەم

هاشوور لە سێبەر‌دا ڕووی دا

كە دراوسێ كۆ بوونەوە ئەی قسەكان من لە كڵاو سەر هەڵناگرم

نیشتمانی دانیشتنم

بەشی سەلمێندراوەكان گەر بكەن زەوی بەشی ئێرە ناكا/ با خڕیش بێ بە درێژایی باسی دەكەین/

********

دەستێك بكێشە بە خەیاڵم، لە شوێنێك بمنووسە نەفڕی، پەراوێز جارجار ناسەلمێ

******

لە بیرتان بێ ئەگەر خەوتن هەندەسەكان هەر بخەون

ژماردن پاساوێكە بۆ نەبوون

نازانم پیاوێك لە هەناسەی دراوسێ ئەگەر قاتی بوو جارجار دامنێ هەندەسە و ڕاوییەكان نه‌بم

**********

دایكم بە حەزی فڵانی؛ فڵانی گوناهم بژمێرێ

لە خۆت‌دا بەراوەژوو كە دینم كەی لە دینم كەی وای دانێ لانیكەم حه‌زتم

ئەوە قودرەتی كۆڵوانەیە که هەڵ گەڕێم بە ناخت‌دا تەنگی دڵم بە تۆ دەڵێم

********

ئێرە منە

جارجار لە پەنا مردن‌دا نیشتمانێكیش ڕوو دەدا ــ ئاڵای نییە ــ

******

سەرەتا نیشتمان بۆ خەون دانرا و قەت نەم‌دی

خوشكەكەم كە هەر ئێستایە؛ ئێستایه./ڕاوی ده ڵێ/

******

باخچەكەمان قەت ناپشمێ  سەبری هێنا ئەو سێبەره

“با”دەڕووخێ

دەمهەوێ بە كڵاو بڵێم:

بە پەلاماریش كە سه‌ر بم تاقانە نوقتەیەكم مرۆفم تێ‌دا چۆڵ کرا…

چۆڵتر نه‌بم دەبێ دیسان پێناسەی جەبر بگۆڕم بۆ دراوسێ

*******

خوشكم دەڵێ:

باخچەكەمان چاوی بووكەشووشەی گرتووە

لە متمانە‌دا كە ڕژاین بە جانتای پاییزدا بێهوودەیی جاری بوو

لە بیرم چوو بترسێم؛

******

من شاعیرم

نۆستالۆژیا یا ئەگەر دێڕێك لەو چەشنە لە مناڵیم ئاوێزان بێ جارجار دەڕژێمە لۆچێك تۆ

نوسخە لە سایزی نیشتمان

كە ئەگەریش ڕادیکاڵ بێ من ئەسبەكان لە بەر دەكەم / دەبمە ئیسكۆڕتی دایرە تا دێڕێكی تر دەقەومێ/

*******

لە حەجمێكی بێ‌سەروشوێن‌دا شێتی تۆم ئەگەر بمنووسی كڵێشە ڕەنگ‌تر لە پاییز زەرد دەچم

پڕ بە تاقەتی باخچەكە و سایزی چوارەمین یەك دژ چوار

*******

بێچارە ئەو كڵاوانەی كە نیمانە و سەرەتا وەشوێن كووچەكان دەكەوتین بۆ ماف

ئەوە تەقدیری بارانە گرێ دەخوا بە ناو خۆی‌دا

*******

ڕۆژژمێر که بكوژێته‌وە هەندەسەیەك لەو شێعرەدا پێخواسه

 باران تەنیا لە كراسێك دەگەڕێ بۆ شیمانە

********

دەستی من هەمیشە عەینی که‌س

دێڕەكانت ئەگەر لە پەنا پەنجەرە باوێشك دەدەن مانگ ئاماژەترین پێناسەیە

بوومە جادەدە بە درێژایی خەونێكت

*********

خوشكم پرچی پڕە لە دین تاكە دەستم لە پاییزدا پێك گەیشتن كەمێك نیشتمان لە چاوی درەخت دایە

ئەگەر بڕژێمە چاوی خۆم

تابڵۆیەك لە ئاوێنە‌دا لۆچ دەبێ.

*********

دایكم دەگری [مەجبوورم پەراوێزێك بكەمەوە]

من دەڵم زۆر كۆڵوانەیە

با لە شانت كە خەسار بێ   وابزانم نازانم لەبەرچی ئاڵای كام كۆماری پرچتە؟

هەمیشە لە حەجمی‌مافێك‌دا دوعایەك حەزم لێ‌دەكا

پاییز ئیجابه‌تم نه‌کاو

ئەگەر ڕۆیشتی سێبەرت لەگەڵ خۆت بەرە من زۆر دە نوقتە‌دا ژیاوم

********

هەناسەم پێم دەڵێ: دێڕێك كە تۆی تێ‌دا ڕوو دا جێما

بڕێک لە ڕاوی دەترسم

فینجانێك پاییز خراپ نییە بیڕژێنمە نێونۆستالۆژیای ناخی تاقانەی پەپوولە

مەبەست لە تاقانە زەینێكە وێرانی تێی‌دا ئاسایی‌یە

*********

ڕقی باخچە نیشتۆتەوە

من هیچ‌كات پەپوولە فێر نابم

تۆ لە خۆت‌دا گرێم دە

بووكەشو

 

وشە و باخچە بمره

وابزانم سكووت زەروورەتێكە بۆ ماف

ئاسمان لە مناڵی‌دا پیر دەبێ

مرۆڤ دەبێتە نووقتەیەك، جادە بەراوەژوو لە هەناسە‌م‌دا ڕادەكشێ

بۆ جارێكیش میسداقی ده قێکی وێران

**********

من دڵم زۆر كۆڵوانەیە و حەزم دەكاتە چەنددێڕ:

پایز بێ‌میسداق‌ترین ده‌قه هیچ ڕه‌نگێک تێیدا ناقه‌ومێ

من نووسراوم وڵاتیش ئەگەر لە خۆم‌ دابكەنم نیشتمان بە مانایەكیتر دەگری ـ

******

لازمه دایكم پەراوێزەكە ببەستێ

 ـ پەڕانتێزێك هەر هەموومان دەگرێتەوە؛ سیاسی نییە که حەیوان سیاسییەكی نامرۆڤ بێ

بۆ نوقتەكان ڕاخراوین….

 

من لە ترسی ئەم نوقتەیە هه نده‌سه‌یه‌کی بێ میسداقم

من هه‌میشه ناگریم

مرۆڤ دەگری له بەردەوامیمدا بۆ ڕاوی…

 

عه بدولقادرنیازی

دیدگاهتان را بنویسید

نشانی ایمیل شما منتشر نخواهد شد.

3 × پنج =

قالب وردپرس پوسته وردپرس ..