جمعه , ۲۶ مرداد ۱۳۹۷
خانه / به شی ئه ده بی کوردی / ڕۆژی له‌دایكبوون چۆن به‌سه‌ر به‌ری/لی هێریك/ و: باوه‌ڕ مه‌عرووفی

ڕۆژی له‌دایكبوون چۆن به‌سه‌ر به‌ری/لی هێریك/ و: باوه‌ڕ مه‌عرووفی

 

لی هێریك(Lee Heerick) به ڕه‌گه‌ز كۆریاییه و ئێستێ له ئه‌مه‌ریكا ده‌ژی. برایان تێرنه‌ر (Brian Turner)ی شاعیر ده‌ڵێ لی «نوسخه‌ی نوێی واڵت ویتمه‌نه… قه‌ڵه‌می‌تێكه‌ڵ به سیاسه‌ته و به خه‌مخۆریه‌وه ده‌نووسێ.»

 

 

 

 

شقارته‌یه‌ك داگیرسێنه. سه‌یری گڕی شینی بكه

سه‌ما ده‌كا، وه‌ك پینیاتایه‌ك[۱]

                                                لێی درابێ و

                                                به‌ره‌و ئاسمان چووبێ،

                                     

                                                                             سه‌یری كه چه‌نده خێرا

لقی ناسكی شقارته‌كه گڕ ده‌یگرێ و به‌ره‌و لای پێستت دێ،

پێستی سپیی مه‌یله‌و سه‌وزی قامكه گه‌وره‌ت

                                                                   بێڵه با ئه‌ویش بسووتێ.

 

ئاگرێك داگیرسێنه. پشیله‌كان بێده‌نگ بكه.

با ماریاچییه[۲] سه‌رخۆشه‌كان بێنه سه‌ما

له‌شی شلكیان بله‌رێنن

وه‌ك كۆمه‌ڵێك كه‌متیاری شێت

له‌سه‌ر گردێكی ڕه‌ش، له ژێر تریفه‌ی

مانگی چارده‌ی ڕۆژی له‌دایكبوون.

 


[۱]پینیاتا (Piñata) جۆڕه قودولكه‌یه‌كه له وڵاتانی ئه‌مه‌ریكای لاتین و مه‌كزیك بۆ منداڵانی هه‌ڵده‌واسن. منداڵه وردكه به تێڵایه‌ك هێنده‌ی تێ به‌ر ده‌بن و لێی ده‌ده‌ن تا ده‌دڕێ و نوقڵ و چاكڵێتی ناوه‌وه‌ی ده‌ڕژێته خوارێ.

[۲]ماریاچی (Mariachi) به‌و گرووپه مۆسیقایانه‌ی مه‌كزیك و ئه‌مه‌ریكای لاتین ده‌گوترێ كه له جه‌ژن و شایی و بۆنه‌كاندا ساز ده‌ژه‌نن و سه‌ما ده‌كه‌ن.

لی هێریك/ و: باوه‌ڕ مه‌عرووفی

دیدگاهتان را بنویسید

نشانی ایمیل شما منتشر نخواهد شد.

نه + 17 =

قالب وردپرس پوسته وردپرس ..