سه شنبه , ۲۹ آبان ۱۳۹۷
خانه / به شی ئه ده بی کوردی / هه‌وای مردن/سەلاح موحەمەدی
Henri Cartier-Bresson in Italy in 1971.

هه‌وای مردن/سەلاح موحەمەدی

نیگام لە ئاوێنەوە
ئەشکێتە سەر مێزەکەم،
زۆر درەنگم و
ئیتر تەنیایی
هیچ لاپەڕەیەک رەش ناکاتەوە؛
ئەمەوێ ئەم شەوە بێ باوکە
لە کۆڵ داگرم.
ئەڕۆم و واز لەم کراسە دێنم،
واز لە خانە شپرزەکانی
/ئەم کووچە
کە پۆستچی سی و چەند ساڵە ناگاتە سەری خەت،
لەو مانگە
لە بەختی ژنێکەوە داکەوت و
ئێستا مسگەرەکانی دەقیانووسیش
تفی لێناکەن…
ئەم شیعرە پڕە لە چوون و نەچوونەکانی
چرای سەر چوار رێیان؛
زەردە
وەکوو فاڵی گۆڤارەکان
لە رەنگی پێکەنینی کچێکی بەنگالیە
ـ ئەلجەزیرە
ئاوسی کردووە
بۆ ریپۆرتاژێکی ورگن…
هەر هیچ نەبێ
بارێکە
شاتەکانی یاوی هیچ تووڕەیەک تەڕ ناکات،
یان
مۆتەکەیەک لە پەتوویەکا خەتووە.
کڵاوێکی برۆنزە
/رەنگە
لە کەنارێکی یوونانییا
پڕە لە خاک و نەیزە و
سەری پڕ کردووم
لە هەوای مردن.

 

* لە کتێبی: بۆ بێتاقەتی شاعیرم 
سەلاح موحەمەدی

** بۆ بێتاقه‌تی شاعیرم یه‌که‌م کۆشێعری شاعیری نوێخواز سه‌لاح موحه‌مه‌دییه‌ که‌ له‌م رۆژانه‌دا له‌ لایه‌ن ده‌زگای گوتار له‌ چاپ دراوه‌.

دیدگاهتان را بنویسید

نشانی ایمیل شما منتشر نخواهد شد.

شانزده + 6 =

قالب وردپرس پوسته وردپرس ..